"Etorkizuneko Zarautz definitzea" helburu duen Agenda 2030 plan estrategikoaren diagnostikoa aurkeztuko dute asteazken arratsaldean, udaletxeko Etxezabala aretoan.
18:30ean hasiko da saioa, eta herritar ororentzako irekia izango da. Bertaratzeko aurrez izena eman beharko da ordea, partehartu@zarautz.eus helbide elektronikora idatzita edota 943-00 51 59 telefonora deituta. Udalak adierazi duenez, saioa baliatu nahi dute etorkizuneko erronka nagusiak "elkarrekin markatzeko"eta "Zarautz hobetzeko proposamen zehatzak jasotzeko".