Teknika Kriteriumarekin ekin zioten larunbateko ekitaldiari, eta ZKE Halterofilia eskolako zazpi haurrek –LHko bost neska eta bi mutilek– hartu zuten parte. Ikasturtean ikasitakoa plazaratu zuten, halterofiliako mugimenduak nor baino nor garbiago egiten.
Unibertsitate arteko eta Junior mailako Gipuzkoako Txapelketa jokatu zen ondoren. Denera hamabi kirolarik hartu zuten parte, bost neskak eta zazpi mutilek. ZKE Halterofilia klubetik hiru neska eta bost mutil lehiatu ziren, eta guztira hiru domina lortu zituzten.
Unibertsitatea:
81kg kat. Txpelduna Ane Grijalba
Guztira Txapelduna Ane Grijalba
Junior
71kg. Txapelduna: Miren Galarraga
76kg. Txapelduna: Leire Urkiola
81kg. Txapelduna: Ane Grijalba
Guztira. Txapelduna: Ane Grijalba
55kg. Julen Silvan bigarren postua
55kg. Txapelduna: Erik Exposito
61kg. Txapelduna: Jakes Etxeberria
73kg. Bigarren postua: Joseba Tena
73kg. Txapelduna: Joel Antolin
Espainiako txapelketan
Imanol Zulaika entrenatzailearen gidaritzapean, Ainize Zumeta eta Imanol Citores estreinako aldiz Espainiako Txapelketa Absolutuan hartu zuten parte Salamancan larunbat honetan. Pasa den hilean Villabonan ospatu zen Euskadiko txapelketan sailkapena lortu ondoren.
Ainize Zumeta goizeko lehen txandan bere altxaldi denak onak egin ondoren bere markan gainditu zituen. Imanol Citores goizeko bigarren txandan jardun zuen, eta horrelako mailako bere lehen txapelketan saiakera baliogabeak ere izan bazituen ere, maila ona erakutsi zuen.