Haur eta gaztetxoen lasterketak atzo arratsaldean jokatzekoak ziren, baina bero zaparen ondorioz, gaur goizera atzeratzea erabaki zuen Zelai Ondoko jai batzordeak. Eta halaxe egin dute, 10:00etan hasita, neska-mutiko dezenteren parte hartzearekin. Bukaeran, gainera, hainbat opari jaso dituzte: txokolatea opilarekin, gozokiak eta izozkia. Bestalde, toka eta bola txapelketari hasiera eman diote, Zelai Ondoko Bol& Tok Klubaren eskutik. Eguna auzo bazkariarekin borobilduko dute.