Zarauzko Musika Bandak udako kontzertua eskainiko du asteburuan. Zehazki, larunbatean da hitzordua, 20:00etan hasita, Iñurritza auzoan. Izan ere, bandako arduradunek azaldu dute taldea gogotsu dagoela herritarrengana eta herrira gerturatzeko, COVID-19ak eragindako azken urteetako geldialdiaren ondoren.
Bertaratzen diren herritarrek hainbat melodiaz gozatzeko aukera izango dute: aurrena Broadway (A.C. Van Leeuwe) izeneko kanta eskainiko dute; ondoren, Alvamar Overture (James Charles Barnes); Marcia alla Turca (Martxa Turkiarra, Ludwig van Beethoven); laugarren abestia Festa Paesana (Jacob de Haan) izango da; eta, amaitzeko, Abba Gold eta Jesus Gudiriren El Caserio.
Kontzertuak, guztira, 45 minutu inguruko iraupena izango du, eta bandako kideek herritar guztiak gonbidatu dituzte bertaratzera eta musikaz gozatzera.