Atzo jokatu ziren Zaporraren oroimenezko eskuzko pilota txapelketako finalaurreko partidak Frontoi Txikin, eta erabakita geratu zen biharko finala. Eskudero-Urruzola bikoteak Etxaniz-Balerdiren aurka neurtuko ditu indarrak, eta bertan erabakiko da aurtengo txapelketako bikote irabazlea.
Horren aurretik, ordea, 3. eta 4. postuak erabakitzeko partida jokatuko da, 18:30ean hasita. Atzoko partidak galdu zituztenek kontsolazio saria eskuratzeko aukera izango dute, beraz. Maiz-M. Etxeberria bikotearen eta Orbegozo-Odriozolaren artean izango da lehia hori.