Laster hasiko dute 2022-2023 ikasturtea Zarauzko Helduen Eskola Publikoan, eta irailaren 15era bitartean eman daiteke izena. Horretarako 943-85 03 99 telefonora deitu edo 012760aa@hezkuntza.net helbide elektronikora idatzi dezakete interesdunek.
Datorren ikasturtean honakoak izango dira eskainiko dituzten ikastaroak: DBHko titulua lortzeko ikastaroa, euskara, ingeleseko lehen maila, irakurketa zein idazketa garapena, atzerritarrentzako espainiera eta Espainiako nazionalitatea lortzeko azterketarako prestakuntza.