Euskal Astea 2022

Polemika tarteko, 'Nao Victoria'-ren mundubira ospatuko dute gaur

Txakolin dastaketa izango da gaur, Lege Zaharren enparantzan. (Hitza)

Elkanoren itsasontziak mundubira egin zueneko 500. urteurrena oroituko dute Zarautzen, Euskal Astearen barruan, egun osoko egitarauarekin.

Gaiak kritika gogorrak jaso ditu historialari eta adituen aldetik, Zarauzko Udalak itsasontzia herriko ontzioletan egina dela baieztatu duelako inolako frogarik gabe. Dena dela, Xabier Txurruka alkateak ondorengoa berretsi du: "Gaur Zarautzen Juan Sebastian Elkanok burututako lehen mundu biraren bosgarren mendeurrena ospatuko dugu. Gainera, gure ondare immateriala den aitzinako herri tradizioak dioena ere ospatzera goaz, Elkanok, bere balentria, gure herriko ontzioletan eraiki eta itsasoratutako Nao Victorian egin zuela alegia".

Egitaraua
- 11:30.
Kalejira erraldoi, buruhandi eta trikitilariekin.
- Jarraian, trikitilariek herriko kaleak girotuko dituzte.
- 12:30. Lege Zaharren enparantzan, parrila herrikoia, sagardo eta txakolin dastaketa. Parte-hartzaileak: Arregi, Basa Lore, Mokoroa, Rezabal, Talai Berri txakolindegiak eta Arizia sagardotegia.
- 13:30. Lege Zaharren enparantzan, bertso Saioa: Andoni Egaña, Sebastian Lizaso eta Oihana Iguaran.
- 19:00. Musika Plazan, erromeria Erromeria.eus taldearekin.
- 20:00. Lege Zaharren enparantzan, herriko taldeen jaialdia: Festak aurrea ederrago du atzea baino (eguraldi txarra egingo balu, Modelo aretoan). Parte-hartzaileak: Zarautz Trik kultur elkartea, Jalgi dantza taldea, Txinpirin abesbatza, Zarautz abesbatza, Udaberri abesbatza, Motxian-Etxebeltz bertsogunea. Antzezleak: Ainhoa Agirre, Ibai Goikoetxea, Maite Isasti, Erik Peitevin de Saint-André. Argi diseinua: Juanma Alvarez (Didau). Kontalariak: Pako Serras eta Miriam Mendoza. Ikuskizun koordinatzailea: Patxi Santamaria.

Erlazionatuak

Hainbat historialarik gaitzetsi egin du Zarauzko Udalak 'Nao Victoria' herrian egin zela onartu izana

politika

"Gipuzkoako Historia aztertzen duten historialari profesionalen kopuru handia nahiz erakunde kopurua kontuan hartuta, ez dugu ulertzen zer irizpide...