Lasterketa azkarra izan zen herenegun Bizkaiko errepideetan zehar jokatu zena. Ihesaldi saiakera ugari izan ziren, baina ezin izan zuten minutu bateko aldea baino gehiago lortu.
Lasterketaren amaiera aldera Andraka eta Jata mendien igoera izan zen, eta une horretan erasoaldia jo zuen Yanne Dorenbos txirrindulari herbeheretarrak, baita helmugara bakarrik heldu ere 2:57:23 denborarekin. Bigarren Mikel Retegi (Lizarte) izan zen, eta hirugarren Iñigo Eizagirre (Eulen-Nuuk) txirrindulari zarauztarra.