"Neguko beste gaitz bat bihurtu daiteke aurten koronabirusa"

Donostia Ospitaleko ZIUko buru Felix Zubiak Euskadi Irratiko Osasun Etxea saioan adierazitakoaren arabera, udazken honetan COVID aldaera berriak garatu daitezke. Edonola ere, herritar gehienek defentsak dituztela dio, eta litekeena da infekzio arinekin igarotzea. Hala ere, talde zaurgarriak babesteko deia egin du.