Duela aste batzuk eraitsi zuten Putzuzulo gaztetxea, eta harrezkero, Bizkaia kaleko 61. zenbakian izango den gaztetxe berria egokitzeko lanetan dabiltza hainbat eragile. "Asanbladarentzat beharrezko espazioa da gaztetxea, eta, horrenbestez, auzolanetan parte hartzea premiazko lana da guretzat", nabarmendu du Danda Gazte Asanbladak.
Hori horrela, larunbat honetarako, hilaren 24rako, auzolanerako deia egin dute. 10:00etan jarri dute hitzordua; ondoren, 13:30 aldera, bazkaria egingo dute; eta arratsaldean, 15:00etan, berriro ere auzolanarekin jarraituko dute. Denen laguntza beharrezkoa dela azpimarratu dute eta, beraz, bertan parte hartzera animatu dituzte herritarrak.
🔴AUZOLANAK GAZTETXE BERRIAN🔴Duela aste batzuk eraitsi zuten Putzuzulo Gaztetxea eta ordutik gaztetxe berria egokitzeko lanetan gabiltza hainbat eragile. Asanbladarentzat beharrezko espazioa da gaztetxea eta horrenbestez auzolanetan parte hartzea premiazko lana da guretzat. pic.twitter.com/4skmtEWCjX
— Danda Gazte Asanblada (@DandaZarautz) September 19, 2022