Zarauzko Bol & Tok Kirol Klubeko emakumezkoen taldeak –Jasone Erkiziak, Nerea Uriartek, Goretti Belokik eta Elena Aldazek osatuak– Zeraingo taldea hartu zuen mendean, 77-71ko emaitzarekin. Bolatoki oso zaila izan zuten jokatzeko, baina baldintza makurretan egokitzen ere badakitela erakutsi zuten zarauztarrek.
Udaberrian Binakako Txapelketa irabazi zuten Belokik eta Aldazek, eta orain garaipen berri honekin, sendotu egin dute Zelaiondoko Bol & Tok Kirol Klubeko ordezkarien lana.