Bertso saio musikatu solidarioa da Tabuen kutxatik oholtzara, eta ostiral honetan Modelo aretoan eskainiko dute, 20:00etan hasita. Zortzi euro balio du sarrerak, eta sarreretatik lortutako irabazi guztiak Iñurri elkartearentzat izango dira. Minbizia dutenei eta haien ingurukoei laguntzen dien elkartea da hori.
Sarrerak salgai daude zarautz.eus/eu/kultura webgunean, eta Modeloko leihatilan bertan eskuratzeko aukera ere egongo da.
Oholtzara hainbat bertsolari eta musikari igoko da: bertsotan Uxue Alberdi, Alaia Martin, Oihana Bartra eta Oihana Iguaran ariko dira; gai jartzen Amaia Agirre; eta musika doinuak eskaintzen, berriz, Ixak Arruti eta Gari Otamendi.
Iñurri elkarteak antolatu du saioa, Zarauzko Udalaren laguntzarekin.