Zarauzko Udalak 2030 Plan Estrategikoa garatzeko egindako urratsak azaldu zizkien tokian tokiko erakundeei (udalei nahiz udal elkarteei) joan den astean Gasteizko Europa Jauregiak hartu zuen Udalsarea 2030eko Batzorde Teknikoan. Topaketak esperientziak partekatzea zuen xede; izan ere, herri bakoitzean hartutako erabakiak eredugarri izan daitezke besteentzat.
Hala, Zarauzko prozesua aurkezteaz arduratu zen Iker Basurko Proiektu Estrategikoen eta Berrikuntza zinegotzi eta Zarautz 2030 proiektuaren arduraduna gustura azaldu zen ariketarekin, bere esanetan, "hau izango baita gizarte bezala bideratu behar diegun gaiei aurre egiteko bide bakarra".
Ildo beretik, udalak nabarmendu du tokiko ekintza horiek nabarmen hobetzen dutela herritarren bizi-kalitatea eta mugarri izan behar dutela gizartearen jarduteko moduan guztientzat garrantzitsuak diren gai askori eragiten dietelako.