Dibertsitate funtzionala duten haurrek Aritzbatalde kiroldegiko Gabonetako haur parkea inauguratzeko aukera izango dute gaur arratsaldean. 16:30etik 19:00etara zabalduko dute haientzat. Bihar eta etzi, berriz, 12 urtetik beherako haur guztiei zabalduko dizkiete ateak 11:00etatik 13:30era eta 16:30etik 19:00etara. Hala, 7 urte artekoek gaztelu puzgarrietan jolastu ahal izango dute eta 8 eta 12 urte artean dituztenek Frontoian eurentzat prestatu dituzten jolasetan. Sarrera doakoa izango da guztientzat.