Sarek deituta, euskal presoen eskubideen aldeko manifestazioa izango da larunbatean, hilaren 7an, Bilbon. Etxera bidea gertu lelopean egingo duten mobilizazioa 17:00etan hasiko da, Autonomia kaletik, eta ahalik eta jende gehienak parte hartzea da Sareren helburua, Bilboko kaleak "bakearen, bizikidetzaren eta konponbidearen aldeko mezuz" betetzea. Horretarako, autobusak antolatu dituzte herriz herri eta interesdunek aurrez eman beharko dute izena.
Zarautzen, Eguzki eta Arrano tabernetan eman daiteke izena, eta bi aukera eskaini dituzte: bata, egun osokoa, irteera ordua 11:00etan duena eta 23:00etan itzulerakoa; eta bestea, 15:00etan abiatu eta manifestazioa amaitutakoan itzultzekoa. Eguzki paretik abiatuko dira autobusak.