Zumaiako Christinak eta Getariako Pilarrek irabazi dituzte abenduan sortu zen Merkatua Bizirik elkarteak zozkatutako bi otarrak. Gaur eguerdian jaso dute saria bi irabazleek. Lehenengoak, zumaiarrak, hori bai, ezin izan du gerturatu eta bere gertuko batek jaso du haren partez.
Elkarte sortu berriko kideek aurkezpen ekitaldian azaldu zutenez, Merkatu Plaza biziberritzea dute helburu, eta, horretarako, hainbat ekimen garatuko dituzte. Bada, hauxe da aurrera eraman duten lehenengoa. Merkatu Plazan erosketak egin dituzten bezeroei esker ona adierazteko, joan den urteko azken astean erosketak bertan egin zituztenen artean zozkatu dituzte bi otarrak.