%2012.20.41.png)
Astelehenean beteko dira 25 urte ETAk Jose Ignacio Iruretagoiena Zarauzko Udaleko PPko zinegotzia hil zuela. Autoan bonba lapa jarrita erail zuen, 1998ko urtarrilaren 9an. Lanera zihoala eztanda egin zuen autoak, Zarautzen bertan.
Mende laurdena igaro da, eta udaletxean ekitaldia eginez omenduko dute Iruretagoiena, udalak jakitera eman duenez. Orduko eta oraingo udal ordezkariak elkartuko dira bertan, 19:00etan.
2018an bete ziren hogei urte politikari zarauztarra erail zutela, eta orduan ere omenaldi beroa jaso zuen udaletxean. Plaka ere jarri zuten udalbatzar aretoan, haren oroimenez. Udal ordezkariek, alderdikideek eta senitartekoek parte hartu zuten ekitaldi hartan, baita herritarrek ere, eta goraino bete zen udalbatzar aretoa.