Irita-Amillubiko egungo plan orokorra aldatzea onartuko dute biharko udalbatzarrean

Zarauzko Udaleko osoko bilkura bateko artxiboko irudia. (Zarauzko Hitza)

Urteko lehen osoko bilkura izango da eta 19:00etan hasiko da ohi bezala. Jorratuko dituzten gaien artean azkena izango da hiri antolamenduaren plan orokorreko aldaketena eta EH Bilduk dagoeneko aurreratu du aurka dagoela. 

Hiri antolamenduaren plan orokorraren barruan Iritako eta Mallubiko lur zatietan aldaketak egiteari hasierako onespena emanez abiatuko du urtea udalbatzak; izan ere, bihar izango dute 2023ko lehen osoko bilkura. Udal taldeek egingo duten azken bozketa izango da aipatutakoa eta EH Bilduren kritikak jaso ditu proposamenak. Udal taldeak prentsaurrekoa eskaini zuen joan den astean horren harira, eta bertan salatu zuenez, "herriarenak diren lurrak espekulaziorako erabiltzea", bultzatuko du Udal Gobernuak.

Edonola ere, gai gehiago ere izango dituzte mahai gainean biharko osoko bilkuran: besteak beste, administrazio-klausulen eta baldintza teknikoek agiriak zuzenduko dituzte udaltzaingoaren egoitza berria hartuko duen eraikina egokitu eta birgaitzeko obrak esleitzeko, eta Taxi zerbitzuaren aurtengo tarifak zehaztuko dituzte.

Erlazionatuak

EH Bildu : "Amillubiko lurrak funtzio soziala betetzera bideratu behar dira bere osotasunean"

Zarautz

Datorren osteguneko udalbatzarrean Irita-Amillubiko egungo plan orokorra aldatzeko proposamena bozkatuko dute. Koalizioak azaldu duenez, Udal Gober...