Inauterietako egun nagusia da gaurkoa Zarautzen, eta eguerdian hasi da festa Koxme baleak txupinazoa bota duenean. Askok tarte zabala hartu dute bazkaltzeko, baina arratsaldean, berriz bete dira kaleak mozorro koloretsuz.
Askotariko mozorroak ikus zitezkeen han-hemenka: Marijaiak, aiton-amonaz jantzitako gaztetxoak, txikiteroak izateko adinik ez duten batzuk, Txitxarroko festa faltan botatzen dutenak kotxe eta guzti, tiropitxon berezia...
Animaliaz ere herritar asko jantzi dira, batez ere ume txikiak dituzten familiak eta haur nahiz nerabeak.