Pagoeta Fest jaialdia antolatu dute apirilaren 21etik 23ra bitartean Aiako Zingira kanpinean. Antolatzaileen esanetan, artea, zirkua, musika eta umorea uztartuko ditu topaketak, Pagoeta Natur Parkeak eskaintzen duen ingurune "paregabean".
Horretarako, familia osoari zuzendutako askotariko ikuskizunak, kontzertuak, jokoak, ibilaldi eszenikoak eta instalazio artistikoak antolatuko dituzte. Bertan parte hartuko dute Euskal Herriko, Kataluniako, Espainiako eta Frantziako artistek eta konpainiek: Barre Taldea, Jean Philippe Kikolos, Teatro Sobre Ruedas, Maite Guevara, Las XL, Las Polis, Nando Caneca, Domi Circo, Maleta Company eta Cie Balancetoi.