Photomuseumeko gela programaren barruan argazkilaritzari, bidaiei eta kulturari, eta Arteari eta diseinuari eskaini dizkieten launa ataleko bi serieak amaituta, ohiko saioetara itzuliko dira gaurtik aurrera. Edweard Muybridge argazkilari britaniarra izango da gaur arratsaldeko saioko protagonista, hain justu.
Irudiak elkarren segidan jarrita mugimendu-ilusioa sortzeagatik egin zen bereziki ezagun Muybridge. Argazki bizidunen lehen proiektorearen asmatzailea da, eta, ondorioz, zinemaren aitzindaria ere bai, hein handi batean. 18:00etan hasiko dute argazkilari britaniarraren ibilbidea aztertzeko saioa eta librea izango da sarrera.