Asfaltatze Planari jarraipena emanez, datorren asteartetik aurrera, Mitxelena kalea asfaltatzen hasiko da udala. Mitxelena kaleko etxe-tarteko plazetan gauzatuko dira lan hauek. Udaletik azaldu dutenez, kalearen ekialdetik hasiko dira asfaltatze lanak eta mendebaldean amaituko dira.
Lanak astebetez luzatzea aurreikusten da; eguraldia lagun bada. Bitartean, eragozpenak sortu daitezke etxebizitza eta
garaje sarreretan eta plazetako aparkalekuetan. Izan ere, "ibilgailuak ezingo dira sartu asfaltatzen ari diren guneetara, garajeetara izan ezik, posible den heinean".