Laura Bilbao irakasleak gidatzen duen A Tempo piano eskolak ikasturte amaierako kontzertua eskainiko du larunbat eguerdian, maiatzaren 27an. Hainbat ikasle Modelo aretoko oholtza gainera igoko dira pieza ezberdinak jotzera, binaka zein banaka, 12:00etatik aurrera.
Zarauzko Hitzak emanaldiaz gozatzeko bi sarrera bikoitz zozkatuko ditu, Zarauzko Udaleko Kultura sailaren eskutik. Ostiraleko 12:00etara arte parte hartu ahal izango da zozketan, eta saridunaren izena jakinaraziko da.