Hauteslekuak ixteko bi ordu falta direla, Espainiako Barne Ministerioak arratsaldeko parte hartzeen datuak eman ditu jakitera. 2019ko datuekin alderatuta, 5,26 puntu jaitsi da Zarautzen 18:00etara arteko parte hartzea; nolabait ere, goizeko beherakadak jarraipena izan du jardunaldiaren bigarren zatian.
Hain zuzen ere, boza ematera deituta dauden 18.794 herritarretatik %53,2izan dira hauteslekuetan; 9.749 herritar. Duela lau urte, 2019an, berriz, herritarren %58,52keman zuten botoa arratsalderako, hau da, 10.653 herritarrek. Beraz, ia mila lagun gutxiagok eman dute botoa momentuz.
Gipuzkoan ere behera egin du parte hartzeak. Zehazki, herritarren %48,54 joan da udal hauteskundeetan boza ematera, 2019an baino 4,8 puntu gutxiago.
20:00etan itxiko dituzte hautesmahaiak, eta orduan hasiko dute boto kontaketa. Zarauzkohitza.eus-ek emaitzen jarraipen berezia eskainiko du ordu horretatik aurrera webgunean.