2020-21 Denboraldia hasi du Nik Tri triatloi taldeak

Erabiltzailearen aurpegia

Denboraldi berriari begira, berrikuntzekin dator taldea.

Nik Tri Triatloi Elkartea adin eta maila guztientzako taldea da, lagun artean triatloiaz gozatzea helburu duena. Denboraldi berriari begira, berrikuntza nagusi batekin gatoz: bakoitzaren sasoi maila eta denboraldirako helburuak kontutan hartuz, FITGÜNE-k diseinatutako entrenamendu taulak DOAN. Kide guztiek modu egokian entrenatuko dugula  bermatuko duen zerbitzua. Zerbitzu hau kide berrientzat ere izango da. Gainera, taldean entrenatzeko hitzorduak zehaztuko dira astero.

Covid19-a dela eta, aurten ez da taldeko Batzar Orokorrik ospatuko, baina informazioa jaso nahi duen orok Elkarteko mugikorrera deitzeko aukera du (628643069) edo e-posta bidez jar daiteke gurekin harremanetan (info@niktri.eus). Elkarteko web-gunean ere aurkituko du informazioa: www.niktri.eus. Iizen-ematea ere web-gunearen bitartez burutu behar da. Inongo konpromisorik gabe deitu edo idatzi lasai!

Elkartetik, triatloia probatzeko gogoz dabiltzan neska mutil guztiei animo deia luzatu nahi diegu, eskuak zabalik jasoko ditugu eta!