R3 partzelaren salerosketa esleituta, martxan egongo lirateke Salberdingo urbanizazio lanen aurreneko faseko etxebizitza sustapen guztiak. 52 etxebizitza tasatu eraikiko dituzte partzela horretan, eta zozketa aurten egitea da udalaren asmoa. Datozen lau urteetan "babes maila ezberdinetako" 594 etxebizitza egitea ere aurreikusi du udalak.

Aurrera doaz Frantseskoa eta Abendaño lotuko dituen errepidearen lanak. Irudiak ikusita, amaitzear dela dirudi Frantseskoatik autobidearen bestaldera pasatzeko errepidea. KSB Itur parean ere ari dira lanak egiten, eta argazkietan ikus daiteke orain arte egindakoa.