Irudietan: Ateak ireki ditu suhiltzaileen parkeak
2018-07-21 12:06 gizartea
Zarauzko suhiltzaileen etxearen 25. urteurrena ospatzeko ate irekien jardunaldia prestatu dute bertako langileek. Hainbat gune ezberdinetan banatu dute parkea, bisitariek suhiltzaileen lanaren aurpegi ezberdinak ezagutu ditzaten. Ateak adin guztietako jendearentzat ireki badituzte ere, etxeko txikienak dira gaurko egunean gehien gozatzen dabiltzanak. Arratsaldean jarraituko dute jardunaldiarekin, 15:00etatik 19:00etara.
Ametsak egi bihurtzen jarraitzen dute Nik Tri Triatloi Elkarteko taldekideentzat
2018-07-20 11:41
Kirola
Uztailaren 22an ospatu zen Gasteizko triatloian hartu zuten parte Gurutze Esnal, Marta Horrillos, Pedro Ayestaran eta Juan Carlos Rojas taldekideek, bakoitzak bere distantzian, jarritako helburuak lortuz.
Irudietan: Frontoi Txikiko Emakumezkoen X. Paleta Txapelketako finala
2018-07-19 12:04 Kirola
Hainbat herritar gerturatu zen atzo arratsaldean Frontoi Txikira, paleta txapelketako finalek erakarrita. Itxaso Erasunek eta Miren Larrartek irabazi zuten finala; beraz, Garazi Eizmendi eta Nahia Eizmendirentzat izan zen bigarren postua. Haien aurretik 3. eta 4. postuak erabaki ziren.
Martxan dira Aldapetako obrak
2018-07-17 18:33 Hirigintza
Obretan ikus daitekeen eremuan eraikiko dira 30 etxebizitza tasatu eta Babes Ofizialeko 20 Etxebizitza. Horrez gain, Vista Alegreko igogailua eta Santa Ana egoitzarentzat eta udalarentzat izango diren lokalak ere eraikiko dituzte.
Azkeneko bi lorpenak ospatu ditu Badok13 taldeak
2018-07-15 16:11 Kirola
Astean zehar lortutako Gipuzkoako Txapelketa eta atzo Plentzian irabazitako Karmengo Amaren Ikurriña ospatzeko, 13:00ak pasatxo zirela elkartu dira Badok13 taldekoak Musika Plazan. Herritarren txalo artean bi banderak astindu ostean, txistularien laguntzarekin abiatu dira udaletxera. Bertan berriro astindu dituzten banderak, eta, ondoren, balkoian jarri dituzte erakusgai.
Irudietan: Agility probak jokatu dituzte Astin
2018-07-15 11:36 gizartea
Askizu Agility Club elkarteak antolatuta, atzo arratsaldean eta gaur goizean agility probak jokatu dituzte Astin. Futbol zelai artifizialean atondu dute zirkuitua, eta txakurrek hainbat oztopo gaindu behar izan dituzte. Aipatu probak Espainiako Txapelketarako puntuagarriak izan dira.
Badok13 taldeak Plentziako bandera irabazi du
2018-07-15 11:12 Kirola
XI. Karmengo Ama Ikurriña irabazi zuen atzo Zarautz Arraun Elkarteko beteranoen Badok13 taldeak, Plentziako uretan. Erlojupeko estropada izan zen, eta Zarauzkoek 13:05:05eko denborarekin irabazi zuten; bigarren postuan Getxo sailkatu zen, 5 segundora, eta hirugarren Arkote, 16 segundora. Gaur harrera egingo diote herrian, 13:00etan, Musika plazan, eta, jarraian, udaletxeko balkoian jarriko dute atzo irabazitako bandera, baita astean zehar irabazitako Gipuzkoako Txapelketakoa ere.
Festa giroa da nagusi Vista Alegren
2018-07-14 19:23 gizartea
Atzo arratsaldean eman zioten hasiera auzoko jaiei Vista Alegren, eta gaur ere ez da girorik falta. Arratsaldean, esaterako, zezen txikiekin eta ponykin gozatzeko parada izan dute, batez ere, etxeko txikienek. Iluntzean musika izango dute, eta bihar biribilduko dituzte festak haurrentzako nahiz helduentzako hainbat ekitaldirekin.
Irudietan: Abian da Txepelketa, Bertso Egunaren barruan
2018-07-14 14:06 kultura
Bertso Astea biribiltzeko, gaur Bertso Eguna ospatzen ari dira Motxian Bertso Eskolako kideak. Hamaiketakoa egin ondoren, tabernaz taberna ekin diote aurtengo Txepelketari. Ondoren, bazkaria izango dute Egoki jatetxean, eta bazkalostean, Txepelketako finala jokatuko dute.
Irudietan: Bertso-pilota erronka, Frontoi Txikin
2018-07-14 10:00 kultura
Bertso Astearen barruan, ostiral arratsaldean IV. Bertso Pelota Desapiyua egin zuten Frontoi Txikin. Bikote mistoen pilota partida jokatzeaz gain, bat-bateko bertsoaldiekin girotu zuten, eta jende dezente bertaratu zen ekitaldiaz gozatzera.
Irudietan: Bertso musikatuen emanaldia, Bertso Astean
2018-07-13 10:49 kultura
Motxian bertso eskolak 18. aldiz antolatu du Bertso Astea. Atzo iluntzean eman zioten hasiera egitarauari, bertso musikatuen emanaldiarekin. Torre Luzeako parkean izan zen, eta jende ugari bertaratu zen ikuskizunaz gozatzera.
Irudietan: Gari, Montxo eta Joselontxo pailazoak, Lege Zaharren enparantzan
2018-07-13 10:34 kultura
Uda sasoian, ostegun arratsaldetarako haurrentzako jarduerak eta ekitaldiak antolatu ditu udalak. Lehen emanaldia atzo izan zen, Lege Zaharren enparantzan, Gari, Monto eta Joselontxo pailazoen saioarekin, eta makina bat neska-mutiko bertaratu zen beren gurasoekin ikustera.
Badok13 ontzia Gipuzkoako txapeldun izan da beteranoetan
2018-07-12 11:38 Kirola
Azken hilabeteko bolada onarekin jarraitzen dute Badok13 Zarautz Arraun Elkarteko beteranoek. Atzo arratsaldean Gipuzkoako Txapelketa jokatu zuten, Mutrikun, eta aise nagusitu ziren beteranoen mailako estropadan; 12 segundo atera zien Fortuna ontziari eta 18 segundo Zumaiari.
Zarauzko Triatloi Elkarteko kideak Gasteizen, Banyolesen eta Frankfurten
2018-07-10 18:05
Kirola
Azken astebukaeran Zarauzko Triatloi Elkarteko triatletak Banyoles, Gasteiz eta Frankfurt aldean egon dira lehiatzen.
HARA! Non esan duzu ezin dela bizikleta utzi?
2018-07-10 16:56 gizartea
Herriko kale eta hormak kartelez, seinalez eta irudiz josiak egon ohi dira. Beharbada, horregatik ez dira konturatu bizilagun batzuk, bizikletak ez uzteko eskatuz kartelak daudela jarrita ezkaratze batzuen aurrean. Bost metrora dituzte bizikletentzako aparkalekuak, baina antza, nekatuta iritsiko dira bizikleta buelta egin ostean.
Irudietan: Frisiako ordezkaritza baten bisita
2018-07-09 18:34 Politika
Marlene Lore Christiansenek Frisiarrak eta herrien Europa hitzaldia eskainiko du gaur, 19:00etan, Alkartetxean. Berarekin batera Frisiako ordezkaritza bat etorri da herrira, eta goizean euskarazko ikastaro azkar bat jaso dute. Eguerdi aldera, EH Bilduko zinegotziek harrera egin diete udaletxean, eta, ondoren, indarrak berreskuratzeko, bazkaria izan dute.
Amatriain, Beato eta Letemendia, Gipuzkoako Surf Txapelketan garaile
2018-07-09 18:13 Kirola
Gipuzkoako Surf Txapelketa jokatu dute asteburuan Donostiako Zurriola hondartzan, eta herriko surflariek emaitza onak lortu dituzte. Maila nagusian, Roberto Letemendia zarauztarra nagusitu zen; 15,6 punturekin irabazi zuen finalean, Bitor Garitonandiaren aurka. Beste kategoriei dagokienez, 18 urtez azpikoetan Iker Amatriain izan zen garaile, eta 16 urtez azpikoetan, berriz, Mikele Beato.
Irudietan: 'A lurpean' antzezlana (Kalerki)
2018-07-09 13:08 kultura
Larunbat eta igande gauetan eskaini zen Kalerkiren 25. urteurrena ospatzeko sortutako antzezlana; A lurpean. Zarauzko aktoreak aritu ziren bertan, Amancay Gaztañagaren zuzendaritzapean.
Bandera berri bat lortu du Badok13 taldeak
2018-07-09 11:54 Kirola
Bolada bikaina darama Badok13 zarauzko arraunlari beteranoek. Igande eguerdian bandera berri bat eskuratu zuten, Donostiako estropada irabazita –beteranoen ligako zortzigarren jardunaldia–, eta aurtengo ligan lortzen duten hirugarrena dute jada. Zarauzko ontziaren denbora 10:59:16 izan zen, eta bigarren postuan berdinduta saillatu ziren Getxo eta Fortuna taldeei ia 9 segundoko aldea atera zien.