Agerraldia Zumaian izango da, apirilaren 22an, astelehenarekin, iluntzeko 20:00etan, anbulatorio zaharrean. Hemendik gonbidapena luzatu nahi diegu herritar guztiei agerraldi horretara agertzeko.
Harrotze astearen helburuak hauek dira: Euskararen aldeko borrokak kalean ikustaraztea eta indartzea; euskaltzaleei borroketan parte hartzeko ilusioa eta motibazioa piztea; eta Euskal Herri euskalduna aldarrikatzea. Horretaz gain, Euskal Herrian Euskarazek beharrezkotzat jo du “atzerakadak eragiten ari diren horiek seinalatzea eta salatzea”. Mezu argia helarazi nahi izan dugu elkarrekin: “Euskaldunok kolektiboki indartu behar gara, ahaldundu, harrotu. Harrokeriarik gabe, baina, harrotasunez eta kolektiboki, esan dezagun euskaldunak garela eta gure herrian euskaraz bizitzeko eskubide osoa dugula”.
Zumaian ikusiko dugu elkar!