Aemeten arabera, sei-zazpi metro arteko olatuak izan daitezke gaur eta bihar kostaldean. Horregatik, gaurko alerta laranja ezarri dute. Goizean Getaria eta Zarautz arteko N-634 errepidea itxita egon da. Gaurko lehen itsasgora 08:17an izan da. Bigarrena 20:44ean izango da. Zarautzen alerta laranjagatik protokolo berezia martxan jarri dute, eta Udaltzaingoaren oharrei kasu egiteko ohartarazi du Zarauzko Udalak.
Denboraldea kostaldean antzemango da batik bat. Barne aldean, elurra 500-700 metrotara egin dezakeela iragarri dute.