Korrikaren amaiera ospatzeko autobusa jarri dute Azkoititik, Azpeititik eta Zestoatik. Martxoaren 29an, igandean, bukatuko da euskararen aldeko jaia, eta goizean abiatuko da autobusa bailaratik. Azkoitian, Zakelan eta Etxe-Aitzen eros daiteke txartela; Azpeitian, Sanagustin kulturgunean; eta, Zestoan, berriz, Uztapide eta Koiote tabernetan. 10 euroko prezioa dute txartelek, herri guztietan.
Zarautzen eta Orioan, berriz, bukatu da izena emateko epea. Hala ere, AEK-ak adierazi du, interesa dutenek beraien bulegora dei dezaketeela: 943-13 00 17 telefonora.
Zestoan, 9:00etan irtengo da autobusa, Gurutzeko geltokitik; ondoren, Azpeitira joango da, eta 9:15 ingururako anbulategian geldituko da. Azkenik, 9:30ean, Azkoitiko Eroski Txikiko lagunak hartuko dituzte. Orio eta Zarauztik, berriz, 9:00etan irtengo dira: Orioko autobusen geltokian eta Eguzkiko geltokian.