https://youtu.be/cumq3UzIM-8
Iñigo Muguruza musikariaren Lurra talde berria izango da martxoko Kafe Toreroko protagonista. Kortatu, Negu Gorriak, Joxe Ripiau zein Sagarroi taldetan aritutako irundarra Ane Garciarekin (ahots nagusia) elkartu eta Akatsa Sisteman (5Gora) bigarren lana kaleratu dute. Soinu akustikoa zein indiefolk, world, blues, reggae, ragtime, ska, jazz zein dub doinuak jaso dituzte bertan. Hainbat kolaboratzaile ere izan dute, besteak beste, Xabi Solano, Petti, Maite Neighbor, Jon Elizalde Jontron, Sergio Patxuko, Oskar Benas eta eta Xabi Dols.
Muguruzak (gitarra akustikoa) eta Garciak (ahots nagusia), Carlos Zubikoa (baxua eta koroak) eta Dols (bateria zuzenean) izango dituzte lagun biharko emanaldian. Ohi bezala, Euskalduna tabernan izango da kontzertua, 20:00etatik aurrera.
Informazio zabala eskuratzeko, bisitatu webgune hau.