Ostiral iluntzeko herri afariaren ostean, aurrera jarraitzen dute Zarauztik Mundura kulturaniztasunaren jaialdiaren barruko ekitaldiak. Asteazkenean, esaterako, Gora Gasteiz herri ekimenaren inguruko hitzaldi-solasaldia eskainiko dute. Arrazakeriaren eta xenofobiaren aurkako talde horren ibilbidea izango dute hizpide, Etxezabalako areto nagusian, 19:00etatik aurrera.
Ostegunean, berriz, Las Acacias film argentianarra eskainiko dute Modelon, ordu berean. Larunbatean izango da Zarauztik mundura, mundutik Zarautzera festa nagusia, udaletxe plazan. Hona hemen egun horretarako egitaraua:
Egunean zehar. Besteak beste, Argentina, Bolivia, Dominikar Errepublika, Errumania, Kolonbia, Nikaragua, Pakistan, Paraguai, Peru, Sahara, Senegal, Venezuela eta Guatemalako jakiak.
11:00. Batukada kaleetan zehar.
12:00. Inaugurazioa.
12:15. Bertsolariak.
12:30-14:00. Boliviako, Nikaraguako eta Paraguaiko folklorea.
17:30. Marisa Merinoren eskolako haurren dantzaldia.
18:30. Zumaiako Afrovascos euskaldun-afrikar elkartearen antzerki emanaldia.
19:30. Itxasmendiko taldearen eskutik, munduko dantzak.
20:00. Mexikoko abestiak, Hector Montillaren eskutik.
21:00. Bizikletaren zozketa.
22:00-24:00. Rafa Villafaña eta La Jodedera taldearen musika.