GIZARTEA // Jantoki begano bilakatuko da gaur Putzuzulo, hileko lehen ostegunero bezala. 20:30etik aurrera Tito, P. Bong, eta JP sukaldariek Merkatu Plazan erositako osagaiekin prestatutako bi plater eta postrea dastatu ahalko dira. Hori guztia, «poza eta borondate xumearen truke». Etekinik aterako balute, animalien eskubideen defentsarako erabiliko lukete diru hori.