Pagoeta Mendizale Elkarteak Zarauzko Beteranoen XXV. Ibiladia antolatu du maiatzaren 8rako. Bi ibilbide aukera egongo dira. Batetik, parte-hartzaileek bidea Erratzun hasi eta Arizkunen amaituko dute. 8,9 kilometro inguruko ibilbidea izango da hori, eta Arizkunen autobusa hartu ahalko dute.
Bigarren ibilbidea aukeratzen dutenek, aurrekoen ibilbide bera egin ondoren, Amaiurrera joko dute. Ibilbide hori luzeagoa izango da, 13,9 kilometrokoa.
Mendizaleak 08:00ean elkartuko dira maiatzaren 8an, Agoueseneko biribilgunean.