Giro umela egingo du gaur, bereziki, goizean zehar. Egunaren bigarren zatirako, ordea, hodei geruza murrizten joango da eta ostarteak zabalduko dira. Aurreko egunetan bezala, tenperatura atsegina egingo du, 17-22 gradu artean. Ipar-osagaiko haizea ibiliko da, egunaren bigarren partean bolada gogorrekin.
Haizeak itsaso kizkurra eragingo du eta ipar-mendebaldeko hondoko itsasoak metro erdi- metro arteko olatuak altxatuko ditu. Hemendik ordubetera (10:04ean) izango da itsasgora eta 22:31ean hurrengoa. 16:10ean egongo da behean marea.