Bidasoako Itzulian parte hartu ondoren, asteburu honetan izango dute Euleneko txirrindulariek hurrengo erronka: Nafarroako itzulia. Jira-Bira Cycling taldeko 23 urtez azpiko zortzi kidek hartuko dute parte proban: Gari Lagnet, Luismari Garikano, Iñigo Altuna, Jon Agirre, Aritz Kortaberria, Oier Ibarguren, Jon Madariaga eta Kike Serratok. Horietako hiruk, gainera, lehenbiziko aldiz hartuko dute parte maila horretako lasterketa batean.