Astebete inguru falta da sanpelaioei hasiera emateko. Berotzen joateko, urtero legez, Iñurritzako Jai Batzordeak hainbat ekitaldi antolatu ditu festen aurreko astebururako, hilaren 17rako eta 18rako. Larunbatean, 11:00etatik aurrera, bertako produktuen azoka egingo dute Iñurritzako zelaian; barazkiak, eztia, ogiak, gozogintza, gazta, haragia, loreak eta artisau produktuak izango dira, besteak beste.
11:30ean, haurrentzako Mendi marrazki txokoa izango da frontoian, eta 12:30etik aurrera, berriz, txakolin dastaketa, Iñurritzako zelaian. Arratsaldean, triki poteoa egingo dute Iñurritzako tabernetan, 19:00etan elkartearen egoitzaren parean hasita. Kantu afariarekin amaituko dute eguna. Yubio jatetxearen aurrean, 22:00etan izango da hori.
Igandean, aldiz, Jalgi dantza taldeak aurkezpena egingo du, 12:00etik aurrera.
Horrekin batera, sanpelaioetarako prestatu duen egitaraua ere zabaldu du Iñurritza jai batzordeak. Hona hemen ekitaldien zerrenda, egunez egun:
Ekainaren 25a, igandea
00:00. Banderaren igoera eta txupinazoa, sorpresa bat baino gehiagorekin.
Ekainaren 26a, astelehena. San Pelaio Eguna.
09:00. Txistulariekin goiz eresia.
11:00. Meza nagusia, San Pelaio ermitan.
12:30. Iñurritzako gazteen eskutik aurreskua, Iñurritzako zelaian.
Arratsaldean. Erromeria, Iñurritzako zelaian.
18:30-21:00. Ardoa eta gazta musutruk, Iñurritza jai batzordearen lokalean.
22:30. Erromeria, Izer eta Alabierren eskutik.
Ekainaren 27a, asteartea. San Pelaio bigarrena.
05:30. Baratxuri zopa Iñurritza elkartean, jai batzordeak eskainita.
06:00. Oilasko biltzearen hasiera, Iñurritza elkartean.
13:30. Oilasko biltzearen amaira, Iñurritzako zelaian.
Arratsaldean. Erromeria, Iñurritzako zelaian.
18:30-21:00. Ardoa eta gazta musutruk, Iñurritza jai batzordearen lokalean.
22:30. Bertso jaialdia, Iñurritzako zelaian. Bertsolariak: Andoni Egaña, Maialen Lujanbio, Beñat Gaztelumendi, Nahikari Gabilondo eta Nerea Ibarzabal. Gai jartzailea: Jon Zaldua.
Ondoren. Erromeria, Eromeria taldearen eskutik.
Ekainaren 28a, asteazkena
09:00. Txistulariekin goiz eresia.
11:00. Meza nagusia, San Pelaio ermitan.
Ondoren. Auzoko erretiratuentzat hamaiketakoa, Iñurritzako erretiratuen elkartean, jai batzordeak eskainita.
11:30. Haur jolasak, Iñurritzako zelaian.
14:00. Oilasko biltzean parte hartu dutenentzat gibel jana.
19:00. Herri kirol jaialdia, Iñurritzako zelaian. Harri jasotzaileak: Joxe Ramon Iruretagoiena Izeta II.a, Hodei Iruretagoiena Izeta IV.a eta Jakes Iruretagoiena Izeta V.a. Aizkolariak: Ugaitz Mugertza eta iñaki Azurmendi.
22:30. Erromeria, Oharkabe taldearen eskutik.
00:00. Banderaren jaitsiera eta festen amaierako txupinazoa.