Egungo HKTko ordezkariak taldeko sortzaileei eskaini zien San Pelaio makila duela 38 urte egindakoa aitortuz. "Duela 38 urte taldetxo bat elkartu zen eta haiei esker da dena gaur egun Haur Kultur Taldea. Ez dadila katea eten. Makil hau da sortzaileentzat, direnentzat eta izango direnentzat".
Txolartekoei ere oroigarria eman zien udalak. Begirale batek adierazi zuen "ohore bat" zela, eta erabiltzailei zein haien familiartekoei eskerrak eman zizkion. "Atzegi ez da ezer guraso eta kideak gabe". Erabiltzaileak eta begiraleak arduratu ziren bandera igo eta txupinazoa botatzeaz, HKTrekin batera.
