Oñatin ospatuko dute aurten Ikastolen urteroko jaia, Lekaixoka! lelopean, irailaren 24n. Salbatore Mitxelena Ikastolak bertaratzeko autobusak antolatu ditu, eta txartelak salgai daude idazkaritzan eta Mendizabal kinkiladendan, 12 eurotan; erosteko azken eguna datorren osteguna izango da, irailaren 21a.
Irteera 09:30ean egingo dute Aritzbatalde kiroldegi aurretik, eta itzulera 19:30 aldean egitea aurreikusten dute.
Ikastolak jakinarazi du ez duela bere gain inongo ardurarik hartuko eta bere erantzukizuna autobusak kontratatzera mugatuko dela.