Bigarren saria Daniel Alvarado Bonilla kolonbiarrarentzat izan da, Ritual III piezagatik; 500 euro jasoko ditu, eta lanaren argiltapena. Bestalde, Philippe Christoph Mayer alemaniarraren En passant des passants lanak aipamen berezia jaso du; sari gisa, bere konposizioa estrenatuko dute jendaurrean.
Larunbat arratsaldean jakitera eman zituzten aurtengo lehiaketako saridunak, Akordeoi Astearen barruan, Modelo aretoan egindako ekitaldian. Ramon Lazkano, Maria Eugenia Luc eta Mikel Urkizak osatu zuten epaimahaia, eta adierazi zutenez ediziori zailena izan da, kalitate handiko obra ugari aurkeztu direlako aurten.
Ekitaldian, Sofia Avramidou musikagilearen VoCx iazko obra irabazlearen estreinaldia egin zuten, baita aipamen berezia jaso zuen Carlos Nuñezen Reflexions sonores lanarena ere. Era berean, Musikaren Historian eta Zientzian doktore Itziar Larrinagak Escuderori buruzko hitzaldia eman zuen, eta, jarraian, mahai-inguru bat egin zuten, Eresbileko zuzendari Jon Bagües, Ramon Lazkano musikagilea eta Musikeneko zuzendari Miren Iñargaren artean.
Argazkiak: Hauspoz Euskal Herriko Akordeoi Elkartea