Bio Racer txapelketan hartuko du parte Grupo Eulenek
2017ko aza. 17a, 13:05
Larunbatean, Donostiako Anoeta belodromoan jokatuko dute Bio Racer txapelketako bigarren jardunaldia, eta bertan hartuko dute parte Eulen Grupo taldeko Euken Gallego, Mikel Sarasola eta Jon Sarasolak. 16:00etatik aurrera, open mailan lehiatuko dira. Lehenbiziko proba scratch modalitatekoa izango da, eta 35 itzuli egin beharko dituzte pistan, 10 bat kilometro, zehazki. Bigarren proba, berriz, puntuazioari dagokiona izango da: 24 kilometro egingo dituzte, 84 itzuli.