Haize-Orratz gaztelekuak festa antolatu du apirilaren 4rako. Eguraldiak laguntzen badu, goizetik arratsaldera arte Lege Zaharren Enparantzan hainbat ekitaldiz gozatzeko aukera izango dute gaztetxoek. Euria egiten badu, berriz, Zinema pilotalekuan egingo dute festa.
11:00etan hasiko da eguna. Tailerrak, erakusketak, jolasak, DJak, sukaldaritza eta kirolak izango dituzte zain bertaratzen direnek. 14:00etan, berriz, bazkaria egingo dute. Nerabe Bazkarian parte hartzeko izena aurrez eman behar da. Gaztelekura jo behar da horretarako, apirilaren 3a baino lehen.
Antolatzaileek azaldu dute bazkaria doakoa izango dela, eta 14 eta 18 urte artekoentzat dela.