Kultura Zarautzen eskutik, euskal jantzien inguruko hitzaldi-tailerra antolatu dute uda amaierarako. Bi saiotan banatuko dute egitasmoa; lehenena abuztuaren 31n izango da, eta bigarrena irailaren 3an. Biak izango dira 17:00etatik 19:00etara.
Doakoa da, baina tokia mugatua izango da, eta horregatik izena aurrez eman behar da Kultura Departamentuan, telefonoz 943-00 51 20 zenbakian, edo idatziz, kultura@zarautz.eus.
Ane Albisu izango da hizlaria, eta honako gaiari helduko dio batez ere: zer eta nola jantziko dugu hurrengo euskal jaietan?