Aste honetan hasi ditu udalak azken uholdeek Olaa bidean sortutako kalteak konpontzeko lanak. Eskoilera harriekin, bidea eusteko horma bat eraikiko dute. Lurkide Hondalanak S. L. enpresak egingo ditu lanak, 19.769'34 euroko aurrekontuarekin, bi asteko epean.
Iban San Martin Obra eta Zerbitzu zinegotziaren arabera, "konponketa hau beharrezkoa da". "Bide hau Aitze auzoko baserrietara joateko sarbide bakarra denez, bertatik egunero igarotzen diren guztien segurtasuna bermatu behar da".