zarauzkohitza.eus

'Dama Xuria' ipuin musikatuak, azaroaren 25ean

Zarauzko Hitza 2018-11-07 13:01   kultura

Amaia Puin arituko da ipuinak kontatzen, eta Elena Setien biolin biolin-jotzaileak girotuko du kontaketa. Sarrerak haur liburutegian jaso behar dira, emanaldia izango den astean.

'Dama Xuria' ipuin musikatuak, azaroaren 25ean
Dama Xuria emanaldia. (Donostiako Musika Hamabostaldia) | Ikusi handiago | Argazki originala

Ipuin musikatuak izango dira Imanol Urbieta Musika Eskolan, azaroaren 25ean, 11:30ean. Amaia Puinek eta Elena Setienek osatuko dute Dama Xuria emanaldia; Puin arituko da ipuinak kontatzen, eta Setien biolin-jotzaileak kontaketa girotuko du, musika jarriz.

Emanaldia 4-8 urte bitarteko haurrei dago zuzenduta, eta musikaren zein ipuinen bidez haurren entzumen gaitasuna garatzeko helburua du. Sarrerak aldez aurretik eskuratu behar dira; haur liburutegian jarriko dituzte eskuragai, eta saioa izango den aste berean jaso beharko dira, 16:00etatik 20:00etara bitartean. Pertsona bakoitzak gehienez 4 sarrera hartu ahal izango ditu.

 

2018/11/25 11:30

Imanol Urbieta Udal Musika Eskola | Zarautz

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa