Piztuta zeuden San Frantzisko kalean gabonetako argiak, baita dendetakoak ere. Lurra alfonbra gorriz apaindua, eta inguruan, ikus-entzunezko profesionalen hainbat aparatu. Iragarkiko parte hartzaileak prest zeuden, beren postuetan, eta ertz batean Bizar Zuri, iragarkiko zuzendariaren jarraibideen zain. Bidegurutzearen atzean, berriz, dozenaka herritar zeuden ikusmiran.