Zarauzko Parekidetasun departamentuak genero indarkeriaren inguruko laburmetrai tailerra antolatu du Gabon jaietarako. DBH2. DBH3 eta DBH4ko ikasleei zuzendutako tailerra izango da, zortzi saiokoa; abenduaren 26an, 27an, 28an eta 29an, eta urtarrilaren 2an, 3an, 4an eta 5ean. Zarauzko gaztelekuan izango dira saio guztiak, 10:30etik 13:30era.
Antolatzaileen arabera, zinea genero indarkeria lantzeko tresna bat izango da, eta ez helburua; helburua genero indarkeriarekin lotutako gaien inguruan hausnartzea eta sakontzea da. Izena emateko, bi aukera daude: telefonoz (644 400 218) edo email bidez (info@doreni.eus). Bestalde, tailerra ez da doakoa izango; parte hartzaileek 20 euro ordaindu beharko dituzte.