Zarauzko emakume korrikalariak ohi bezala elkartuko dira gaur 19:00etan korrika egiteko, baina gaurkoan, ibilbidea Lege Zaharren Enparantzan amaituko dute. Bertan, Laura Luelmoren hilketa salatzeko irakurketa bat egingo dute.
A 3 el Km korrikalari taldekoek ere elkartasun keinua helarazi nahi diote Luelmoren familiari. Horretarako, ostegunean, 19:00etan Lege Zaharren Enparantzan elkartuko dira eta minutu bateko isilunea egingo dute Luelmoren oroimenez. Ondoren, korrika saioa egingo dute herriko kaleetan zehar.