Eskualdeko adinekoen egoitzetako eta eguneko zentroetako langileek borrokan jarraitzen dute. Gaur Zumaian bildu dira ELAk aste osorako deitu duen grebarekin bat egin duten hainbat langile. Inuzente Eguna dela aprobetxatuz, argazki aldarrikatzailea atera dute San Telmo ermitan. "Ez gara inuzenteak", Zaintza lanak baloratu", "Hitzarmena nahi dugu" moduko leloak ozen azaldu dituzte agerraldian adinekoen zaintza sektoreko langileek.
Urte amaiera arte protestekin jarraitu dute, eta igandean 18:30ean elkarretaratzea egingo dute Lege Zaharren enparantzan.