Egitasmoa martxan jartzeko, bi astez egongo da komentarioak idazteko aukera, influencer-en galderei erantzunez, #geure traola erabilita. Ondoren, komentarioak prozesatu, ondorioak atera eta herritarrekin partekatuko ditu Foru Aldundiak.
Ekimenean parte hartzen dutenen artean ekitaldi baterako 200 sarrera bikoitz zozkatuko dituzte. Irabazleek influencer taldearekin egoteko aukera izango dute, martxoaren 9an, Kursaalen. Zortzi iruzkinik interesgarrienek, berriz, eszenatokiaren atzealdean egoteko aukera izango dute, ekimeneko protagonistekin.
Denis Itxaso diputatuak adierazi du beraien asmoa dela "jakitea gazteen iritzia zenbait gairen inguruan".
Aritz Aranburuz gain, Asier Illarramendi futbolaria, Izaro Andres kantaria, Twin Melodiy abeslariak, Nerea Alias aurkezlea, Miren Arrieta aktorea eta Oihan Vega DJ-a izango dira influencer-ak.